Newyddion
Diweddar
Gwerthusiad o'r prosiect 'Mynediad i Wasanaethau drwy Arloesi'
Mae Wavehill wedi cael eu comisiynu gan Gyngor Sir Gaerfyrddin i gynnal gwerthusiad o'r cynllun dwy flynedd a ariannwyd gan Echel 4 y Cynllun Datblygu Gwledig ar gyfer Cymru. Roedd y prosiect yn peilota modelau arloesol ar gyfer darparu cymunedau gwledig gydag ystod o wasanaethau sylfaenol gan gynnwystrafnidiaeth, gofal plant, TGCh, gwasanaethau manwerthu cymunedol a gwasanaethau eraill.
Dysgu oddi wrth Prosiect Ynni'r Fro
Mae Rhaglen Ynni'r Fro Llywodraeth Cynulliad Cymru yn defnyddio Cronfeydd Strwythurol Ewropeaidd i ddarparu cefnogaeth a chyllid er mwyn annog datblygiad cynlluniau ynni adnewyddadwy ar raddfa cymunedol ar draws Cymru. Mae rhwydwaith o Swyddogion Datblygu technegol yn lleol ar waith ledled Cymru i helpu grwpiau i ddatblygu eu prosiectau a chael gafael ar ffrydiau cyllid Ynni'r Fro. Mae gan y Swyddogion Datblygu gronfa o wybodaeth am y cymunedau y maent wedi gweithio gyda hwy a diben yr ymchwil hwn oedd casglu’r wybodaeth honno. Roedd yr ymchwil yn cynnwys cyfweliadau manwl gyda Swyddogion Datblygu a wedyn gweithdy a oedd yn eu tynnu at ei gilydd i drafod eu profiadau.
Prosiect Ymchwil heb Waith
Comisiynwyd Wavehill ym mis Ionawr 2011 i gynnal adolygiad
ymchwil o effaith
y polisi O Fudd-dâl i Waith newydd ar aelwydydd
di-waith ym Mlaenau Gwent, Merthyr Tudful,
a Rhondda Cynon Taf. Nod y gwaith yw nodi darpariaeth gwasanaeth
presennol ar gyfer teuluoedd di-waith ac sy'n agored
i niwed yn y tair ardal, yn nodi manylion
y gwasanaethau a'r
cymorth a ddarperir, asesu arferion da a
bylchau yn y gwasanaeth, nodi pa gyfran o deuluoedd
di-waith / sy'n
agored i niwed sy’n chwilio am
waith ar hyn o bryd, a darparu enghreifftiau wedi’u costio o arfer yn y dyfodol
ar gyfer yr ardal.
Gan ddefnyddio cyfweliadau gyda rhanddeiliaid strategol,
darparwyr cymorth a buddiolwyr mae’r gwaith yn anelu
at ddarparu strategaeth fanwl ar gyfer darparu
yn y dyfodol ac opsiynau
wedi'u costio ar gyfer ymestyn y gwasanaethau a
chymorth presennol.
Gwerthuso Effaith y rhaglen Ffordd o Fyw Gweithgar
mae Wavehill yn arwain y gwerthusiad ar y rhaglen Ffordd o Fyw Gweithgar ar gyfer Ymddiriedolaeth Chwaraeon Ieuenctid. Mae’r prosiect newydd cyffrous hwn am helpu i fynd i'r afael â phroblem gordewdra’r genedl drwy gynyddu faint o chwaraeon a gweithgarwch corfforol y mae ein pobl ifanc lleiaf gweithgar yn ei wneud bob wythnos. Byddwn yn cyfweld â phobl ifanc sy’n cymryd rhan yn y gweithgareddau, eu hyfforddwyr a'r ysgolion hefyd. Mae'r astudiaeth yn rhedeg tan fis Ionawr 2011.
Prosiect COASTAL
penodwyd Wavehill gan Ddinas a Sir Abertawe i gynnal gwerthusiad annibynnol parhaus ar COASTAL, sef prosiect £27m sydd â’r nod o hyrwyddo cyngor galwedigaethol, cyflogaeth, hyfforddiant sgiliau a chyfleoedd dysgu gydol oes i unigolion sydd ar hyn o bryd yn economaidd anweithgar. Caiff COASTAL ei ariannu gan Raglen Gydgyfeirio’r Comisiwn Ewropeaidd ac mae’n brosiect rhanbarthol ar gyfer ardaloedd awdurdodau lleol Pen-y-bont ar Ogwr, Castell-nedd Port Talbot, Gwynedd, Sir Gâr, Sir Benfro a Cheredigion.
Datblygu Gwaelodlin ar gyfer Gweithgareddau Adfywio yn Ardaloedd Dyffryn Hafren a Blaenau Ffestiniog
Mae Llywodraeth Cynulliad Cymru wedi penodi Wavehill i ddatblygu gwaelodlinau cynhwysfawr ar gyfer Dyffryn Hafren a Blaenau Ffestiniog, gan ganolbwyntio ar ganfyddiadau cymunedol yn y ddwy ardal. Bydd hyn yn galluogi Llywodraeth y Cynulliad i ddatblygu darlun clir o farn y cymunedau am yr ardaloedd ar hyn o bryd, cyn y gweithredir y prosiectau allweddol ar gyfer y cyhoedd sydd yng Nghynllun Adfywio Strategol Dyffryn Hafren a Chynllun Adfywio Strategol Blaenau Ffestiniog. Y bwriad fydd edrych eto ar y gwaelodlinau hyn yn y dyfodol, gan ymgymryd â gwaith arolwg ychwanegol i asesu sut y mae canfyddiadau wedi newid dros amser o ganlyniad i'r broses Adfywio.
Adolygiad o Gymorth Cydraddoldeb ac Amrywiaeth
mae Llywodraeth Cynulliad Cymru wedi comisiynu Wavehill a BMG Research i gynnal adolygiad ar y cymorth Cydraddoldeb ac Amrywiaeth a gynigir i fusnesau bach a chanolig Cymru fel rhan o'r gwasanaeth Cymorth Hyblyg i Fusnes (FS4B). Diben yr adolygiad hwn yw gwerthuso effeithiolrwydd 2.5 diwrnod o gymorth Cydraddoldeb ac Amrywiaeth ac i weld a yw’r newid o 4.5 diwrnod o gymorth i 2.5 diwrnod yn diwallu anghenion busnesau bach a chanolig Cymru.
Gwerthusiad o'r Prosiect ILM
mae Wavehill wrthi’n gwerthuso’r prosiect Marchnad Lafur Drosiannol (ILM) a ariennir o dan Flaenoriaeth 2 Thema 1 y rhaglen Cydgyfeirio a Chystadleurwydd Rhanbarthol a Chyflogaeth ar gyfer Cyngor Gweithredu Gwirfoddol Cymru (WCVA). Nod y prosiect ILM yw lleihau anweithgarwch economaidd yng Ngogledd a Dwyrain Cymru gan gynnig contractau i sefydliadau sy'n darparu datblygiad personol i bobl sy'n wynebu rhwystrau i gyflogaeth drwy roi cyfnod o gyflogaeth a hyfforddiant gyda chefnogaeth iddynt. Fel rhan o'r gwerthusiad byddwn yn asesu a yw’r prosiect yn llwyddiannus wrth gyrraedd yr unigolion sydd bellaf oddi wrth y farchnad lafur.
Gwerthusiad Parhaus o Gynllun Datblygu Gwledig Cymru
dyfarnwyd y contract hwn yn ddiweddar i Wavehill, mewn partneriaeth ag EKOS a’r Cwmni Datblygu Gwledig, ar ran Llywodraeth Cynulliad Cymru. Mae'r amcanion ymchwil ar gyfer y comisiwn hwn yn cynnwys adolygu'r gweithdrefnau casglu data presennol ar gyfer dangosyddion mewnbwn ac allbwn ac i ddarparu cyngor arbenigol ar weithgarwch gwerthuso ad-hoc.