Risgiau i fusnesau o ran cynhyrchiant is gweithwyr o ganlyniad i darfu ar seilwaith a thymereddau uwch mewn amgylcheddau gwaith

 

CEFNDIR I’R YMCHWIL

 

Mae Llywodraeth Cymru wedi comisiynu Wavehill i gynnal astudiaeth ymchwil i archwilio’r risgiau i fusnesau o ran cynhyrchiant is gweithwyr yn sgil tymereddau uwch mewn amgylcheddau gwaith a tharfu ar seilwaith. Nod yr astudiaeth yw darparu cipolwg ar ba mor barod yw busnesau Cymru am darfu yn sgil tymereddau uwch mewn amgylcheddau gwaith a tharfu seilwaith o ganlyniad i newid hinsawdd, a pha fathau o gefnogaeth y dylai Llywodraeth Cymru fod yn darparu i fusnesau er mwyn paratoi ar gyfer y materion hyn.

 

Bydd yr astudiaeth yn ffocysu ar y materion canlynol:

• pa fusnesau/sectorau sy’n wynebu’r risg mwyaf o ran tarfu ar seilwaith/tymereddau uwch mewn amgylcheddau gwaith;

• i ba raddau mae busnesau yn ystyried eu bod yn wynebu risg o ran cynhyrchiant is o ganlyniad i dymereddau uwch mewn amgylcheddau gwaith a/neu darfu ar seilwaith;

• y prif ddibyniaethau seilwaith ar gyfer diwydiannau;

• i ba raddau mae gan fusnesau yng Nghymru gynlluniau addasu digonol mewn lle;

• y prif sbardunau sy’n gyrru busnesau i baratoi cynlluniau addasu;

• rhwystron sy’n atal busnesau rhag paratoi cynlluniau addasu, a sut gall Llywodraeth Cymru helpu busnesau i oresgyn y rhain.

 

Llywodraeth Cymru yw’r rheolydd data ar gyfer yr ymchwil hwn. Fodd bynnag, bydd Wavehill yn dileu unrhyw ddata personol a ddarperir drwy’r cyfweliadau, a bydd yn gwneud y data amrwd yn ddienw, cyn ei rannu gyda Llywodraeth Cymru.  

​

Bydd y wybodaeth a gesglir yn ystod y prosiect yn cael ei gynnwys mewn adroddiad a gyhoeddir ar wefan Llywodraeth Cymru, ac o bosib hefyd mewn cyhoeddiadau eraill, gan Wavehill a Llywodraeth Cymru.

Os oes gennych chi unrhyw gwestiynau ynglŷn â’r astudiaeth, cysylltwch â Tom Marshall yn Wavehill (tom.marshall@wavehill.com).

 

HYSBYSIAD PREIFATRWYDD

 

Pa ddata personol ydyn ni’n eu cadw ac o le ydym yn cael gafael ar y wybodaeth hon?

Diffinnir data personol o dan Y Rheoliad Cyffredinol ar Ddiogelu Data (GDPR) fel “unrhyw wybodaeth sy’n ymwneud ag unigolyn adnabyddadwy y gellir ei adnabod yn uniongyrchol neu’n anuniongyrchol drwy gyfeirio at ddynodwr”.

​

Mae’r hysbysiad preifatrwydd hwn yn berthnasol i ddau weithgaredd ymchwil:

1. Arolwg rhagarweiniol - Arolwg rhagarweiniol byr a ellir ei gwblhau ar-lein.

2. Cyfweliadau dilynol trylwyr - Cyfweliadau dilynol ar y ffôn, yn archwilio’r materion mewn mwy o ddyfnder, ar gyfer y rheiny sy’n cytuno yn yr arolwg i gymryd rhan mewn cyfweliad dilynol.

​​

Er mwyn anfon yr arolwg rhagarweiniol allan, cafwyd gafael ar enwau a manylion cyswllt busnes (e-bost a rhif ffôn) o un o’r ffynonellau canlynol:

​

• Cronfa ddata cysylltiadau Llywodraeth Cymru - Mae Llywodraeth Cymru yn cadw eich manylion cyswllt yng Nghronfa Ddata’r Gwasanaeth Cynghori Busnes, sy’n cofnodi a monitro ymgysylltiad busnes Llywodraeth Cymru, gan gynnwys darpariaeth cefnogaeth ariannol. Bydd Llywodraeth Cymru yn defnyddio eich data personol (enw ac e-bost busnes cyswllt) i gysylltu â chi at ddibenion dosbarthu arolwg. Mae cymryd rhan yn wirfoddol. Os nad ydych eisiau cymryd rhan na derbyn negeseuon atgoffa, yna atebwch y gwahoddiad e-bost oddi wrth Lywodraeth Cymru ac yna ni anfonir rhagor o negeseuon atgoffa atoch. Ni chaiff eich manylion cyswllt eu darparu i Wavehill oni bai eich bod chi’n dewis eu darparu fel rhan o’ch ateb yn yr arolwg.

• Data busnes a brynwyd yn fasnachol - Mae Wavehill wedi cael gafael ar gysylltiadau busnes ychwanegol oddi wrth ddarparwr masnachol (enw ac e-bost busnes). Daw’r data o ffynonellau cyhoeddus megis Companies House. Mae cymryd rhan yn wirfoddol. Os nad ydych eisiau cymryd rhan na derbyn negeseuon atgoffa, atebwch y gwahoddiad e-bost oddi wrth Wavehill ac yna ni anfonir rhagor o negeseuon atgoffa atoch.

​​

Mae’r arolwg yn cynnwys yn bennaf nifer o gwestiynau amlddewis, ac nid yw’r rhain yn gofyn am ddata personol adnabyddadwy. Mae rhai cwestiynau yn darparu opsiynau testun rhydd ar gyfer atebion ysgrifenedig. Gofynnwn i gyfranogwyr beidio â defnyddio’r meysydd hyn i ddarparu unrhyw wybodaeth bersonol. Ar ddiwedd yr arolwg, gofynnir i chi a ydych yn dymuno cymryd rhan yn y raffl elusen, ac i ddarparu eich cyfeiriad e-bost busnes os ydych yn dymuno gwneud hynny. Gofynnir i chi hefyd a fyddech chi’n barod i gymryd rhan mewn cyfweliad dilynol a gynhelir gan Wavehill, ac i ddarparu eich rhif ffôn os ydych yn dymuno gwneud hynny. Ni fydd angen i chi ddarparu unrhyw ddata personol ychwanegol fel rhan o’r cyfweliad. Os darperir data personol mewn atebion i gwestiynau penagored neu’r cyfweliad, nid ydym yn ceisio eich adnabod chi o’r, na’ch cysylltu chi â’r, atebion yr ydych chi’n eu darparu.

​

Mae Wavehill yn dymuno recordio cyfweliadau am resymau gweithredol. Bydd Wavehill yn gwneud hyn yn glir i chi cyn i’r cyfweliad ddechrau, a byddwch yn cael cyfle i ddweud os nad ydych chi’n hapus i’r drafodaeth gael ei recordio. Os caiff y cyfweliadau eu recordio, caiff data personol ei ddileu yn y broses drawsgrifio. Caiff y recordiadau eu dileu cyn gynted â bod y broses hon wedi’i chwblhau. Os na chaiff cyfweliadau eu recordio, ni chaiff data personol ei gynnwys mewn nodiadau ysgrifenedig a baratoir yn dilyn y grŵp ffocws neu’r cyfweliadau.

​

Os ydych chi’n gwneud ymholiad neu gŵyn ac yn darparu data personol wrth ofyn am ymateb, bydd yr ymchwilydd yn anfon y cais ymlaen i’r swyddog Llywodraeth Cymru yn unig, ac yna’n ei ddileu o’r data ymchwil. Caiff yr holl wybodaeth bersonol adnabyddadwy ei dileu o’r data amrwd gan Wavehill cyn y dadansoddi, a chedwir y canlyniadau yn ddienw.

 

Beth yw’r sail gyfreithiol ar gyfer casglu data?

Y sail gyfreithiol ar gyfer prosesu gwybodaeth yn yr ymarfer casglu data hwn yw ein tasg gyhoeddus; hynny yw, ymarfer ein hawdurdod swyddogol i gynnal cyfrifoldeb a swyddogaethau craidd Llywodraeth Cymru.

Mae cymryd rhan yn hollol wirfoddol. Mae astudiaethau ymchwil fel hon yn bwysig i Lywodraeth Cymru er mwyn casglu gwybodaeth a thystiolaeth fel sail gweithredu am ei allu i ddarparu blaenoriaethau’r llywodraeth. Er enghraifft, efallai y defnyddir y wybodaeth a gesglir yn yr ymchwil hwn i:

• Nodi â yw busnesau yng Nghymru yn barod ar gyfer tarfu yn sgil gwres

• Nodi sut allai Llywodraeth Cymru ddarparu gwell cefnogaeth i fusnesau i baratoi ar gyfer tarfu yn sgil gwres.

 

Pa mor ddiogel yw unrhyw ddata personol?

Cedwir yr wybodaeth bersonol a ddarperir i Wavehill ar weinydd diogel ar bob adeg. Dim ond nifer cyfyngedig o ymchwilwyr sy’n gweithio ar y gwerthusiad sy’n medru defnyddio’r data. Bydd ymchwilwyr Wavehill yn defnyddio’r data hwn at ddibenion ymchwil yn unig. Mae Wavehill wedi ei ardystio gan Cyber Essentials.

​

Mae gan Wavehill weithdrefnau mewn lle i ddelio gydag unrhyw sefyllfa lle amheuir bod diogelwch data wedi ei danseilio. Os amheuir bod diogelwch data wedi ei danseilio, bydd Wavehill yn rhoi gwybod i Lywodraeth Cymru, a fydd yn eich hysbysu chi ac unrhyw reoleiddiwr perthnasol lle bod gofyn cyfreithiol i ni wneud hynny.  

Bydd yr holl ddata a gesglir drwy’r ymchwil hwn yn cael ei adrodd mewn fformat dienw. Ni fydd hyn yn cynnwys eich manylion cyswllt a bydd unrhyw wybodaeth adnabyddadwy mewn atebion penagored yn cael ei dileu. Bydd Wavehill yn defnyddio’r data i gynhyrchu adroddiad a gyhoeddir ar wefan Llywodraeth Cymru. Ni fydd yr adroddiad hwn yn cynnwys unrhyw wybodaeth a allai gael ei defnyddio i adnabod cyfranogwyr unigol.

​

Am ba hyd fyddwn ni’n cadw eich data personol?

Bydd Wavehill yn cadw data personol dros gyfnod y cytundeb, a bydd unrhyw ddata personol nad sydd wedi ei ddileu yn cael ei ddileu gan Wavehill dri mis wedi diwedd y cytundeb. Mae hyn yn cynnwys eich manylion cyswllt. Bydd Wavehill yn darparu fersiwn dienw o’r data i Lywodraeth Cymru - ni fydd hyn yn cynnwys gwybodaeth a allai gael ei defnyddio i’ch adnabod chi.

 

Hawliau unigolion

O dan GDPR, mae gennych chi’r hawliau canlynol mewn cysylltiad â’r wybodaeth bersonol yr ydych yn ei darparu fel rhan o’r prosiect: mae gennych yr hawl:

• I gael mynediad at gopi o’ch data chi;

• I fynnu ein bod ni’n cywiro camgymeriadau yn y data hwnnw;

• I (o dan rhai amgylchiadau) wrthwynebu i neu gyfyngu ar y prosesu;

• I fynnu (o dan rhai amgylchiadau) bod eich data yn cael ei ‘ddileu’; ac

• I gyflwyno cwyn i Swyddfa’r Comisiynydd Gwybodaeth (ICO) sef ein rheoleiddiwr annibynnol ar gyfer diogelu data.

Manylion cyswllt Swyddfa’r Comisiynydd Gwybodaeth yw: Information Commissioner’s Office, Wycliffe House, Water Lane, Wilmslow, Cheshire, SK9 5AF. Ffôn: 01625 545 745 neu 0303 123 1113. Gwefan: www.ico.gov.uk

 

 

Gwybodaeth Bellach

Os oes gennych chi unrhyw gwestiynau pellach am sut caiff y data a ddarperir fel rhan o’r astudiaeth hon ei ddefnyddio gan Lywodraeth Cymru, neu os hoffech chi arfer eich hawliau gan ddefnyddio’r Rheoliad Cyffredinol ar Ddiogelu Data, cysylltwch â:

 

Isabella Malet-Lambert,

Isadran Ymchwil Gymdeithasol a Gwybodaeth

Gwasanaethau Gwybodaeth a Dadansoddi,

Llywodraeth Cymru,

Parc Cathays 2

Caerdydd,

CF10 3NQ,

 

Ffôn: +44 (0) 3000 628250

E-bost: Isabella.malet-lambert@gov.wales

 

Gellir cysylltu â Swyddog Diogelu Data Llywodraeth Cymru yn:

 

Llywodraeth Cymru, Parc Cathays, Caerdydd, CF10 3NQ, E-bost: DataProtectionOfficer@gov.wales.