Creu Cymunedau Cyfoes: Hysbysiad Preifatrwydd RMDP - Cyfranogwyr y Prosiect

​

Dyma sut rydym yn cadw ac yn prosesu gwybodaeth amdanoch 

Penodwyd Wavehill gan Hybu Cig Cymru i gynnal gwerthusiad o'u Rhaglen Datblygu Cig Coch. Pwrpas y gwerthusiad yw mesur effeithiolrwydd y tri phrosiect sy'n rhan o'r rhaglen, yn ogystal â'r rhaglen gyfan.  

Hoffem siarad â ffermwyr sydd wedi bod yn rhan o'r prosiectau hyn i gael barn ar sut mae'r prosiectau wedi'u cyflawni. Cysylltwyd â chi fel un o'r cyfranogwyr hynny. 

Bydd y data a ddarperir gennych yn cael ei ddefnyddio at ddibenion y gwerthusiad hwn yn unig. Bydd unrhyw wybodaeth bersonol a gesglir fel rhan o’r gwerthusiad yn cael ei chadw’n gyfrinachol. Ni fydd eich atebion yn yr arolwg yn cael eu gwneud yn gyhoeddus mewn ffordd a allai arwain at eich nabod chi. Bydd Wavehill yn llunio adroddiad sy’n seiliedig ar y data ond ni fydd modd adnabod unrhyw unigolion ar sail yr adroddiad.  

Mae hefyd yn bwysig i nodi nad yw’r tîm sy’n ymgymryd â’r gwerthusiad yn gweithio i Hybu Cig Cymru, Llywodraeth Cymru nac i unrhyw un o’r sefydliadau sy’n ymwneud â darparu nac ariannu’r prosiect hwn. Mae hwn yn werthusiad annibynnol. 

Bydd Wavehill yn dileu’r wybodaeth rydych chi’n ei darparu, a’r holl ddata personol sy’n ymwneud â’r ymchwil hon, o fewn chwe mis i derfyn y gwerthusiad. 

Os oes gennych unrhyw ymholiadau mewn perthynas â’r gwerthusiad, teimlwch yn rhydd i gysylltu â naill ai Ioan Teifi, sy’n arwain y gwerthusiad (ioan.teifi@wavehill.com), neu â John Richards (jrichards@hybucig.cymru). 

Gallwch hefyd gysylltu â Swyddog Diogelu Data Llywodraeth Cymru DataProtectionOfficer@gov.wales. 

O dan y ddeddfwriaeth diogelu data newydd, mae gennych yr hawl: 

• i gael mynediad at eich data personol a gedwir gan Hybu Cig Cymru 

• i’w gwneud yn ofynnol i Hybu Cig Cymru gywiro unrhyw gamgymeriadau sydd yn y data hwnnw 

• i wrthwynebu (mewn rhai amgylchiadau) neu gyfyngu ar brosesu 

• i’ch data gael ei ‘ddileu’ (mewn rhai amgylchiadau). 

Cysylltwch â John Richards os gwelwch yn dda os ydych yn dymuno gwneud unrhyw un o’r pethau hyn mewn perthynas â’r prosiect hwn. Os oes gennych unrhyw bryderon ynghylch sut mae eich data wedi cael ei drin, gallwch gyflwyno cwyn i Swyddfa’r Comisiynydd Gwybodaeth sy’n rheoleiddiwr annibynnol Llywodraeth Cymru ar gyfer diogelu data.  Gallwch gysylltu â Swyddfa’r Comisiynydd Gwybodaeth ar 01625 545 745 neu 0303 123 1113, drwy’r wefan www.ico.gov.uk , neu ysgrifennwch at: Information Commissioner, Wycliffe House, Water Lane, Wilmslow, Cheshire, SK9 5AF. 

Gwybodaeth bellach 

1. Pam mae’r gwaith ymchwil hwn yn digwydd? 

Mae Wavehill wedi'i gomisiynu gan Hybu Cig Cymru i gynnal astudiaeth ymchwil a gwerthuso o'u Rhaglen Datblygu Cig Coch. 

Mae tri cham i'r gwerthusiad: 

• Roedd Cam 1 yn canolbwyntio ar ddatblygu’r Fframwaith Gwerthuso ar gyfer y rhaglen ac fe’i cwblhawyd ym mis Tachwedd 2019 

• Mae Cam 2 yn darparu adolygiad canol tymor o ddarpariaeth hyd yma er mwyn asesu perfformiad a, lle bo angen, argymell newidiadau. 

• Cyflwynir Cam 3 tua diwedd y rhaglen yn 2023 er mwyn darparu asesiad crynodol o berfformiad a'r effaith a gyflawnir. 

Mae'r RMDP yn cynnwys tri phrosiect: 

• Stoc + - prosiect cymorth cynllunio iechyd 

• Cynllun Hyrddod Mynydd - cefnogaeth i recordio perfformiad defaid mynydd gan ddefnyddio technoleg 

• Prosiect Ansawdd Cig Oen Cymru - ei nod yw asesu arferion cyfredol y gadwyn gyflenwi sy'n effeithio ar amrywiad ansawdd cig oen 

Ar hyn o bryd rydym yn cynnal yr adolygiad canol tymor. Mae hyn yn cynnwys asesu effeithiolrwydd darparu ar lefel rhaglen a phrosiect; cyflawniadau hyd yn hyn; y gweithgaredd marchnata a lledaenu; a'r prif wersi a ddysgwyd / meysydd i'w gwella. 

2. Pa fath o wybodaeth a gesglir drwy gyfrwng yr arolwg? 

Mae'r arolwg yn canolbwyntio ar safbwyntiau ynghylch sut y cyflawnwyd y prosiectau ac unrhyw ganlyniadau sydd, neu sy'n debygol o ddigwydd, o ganlyniad i fod yn rhan o'r prosiect. 

3. Beth yw data personol? 

Mae data personol yn golygu unrhyw wybodaeth a allai arwain at adnabod person, naill ai ar ei phen ei hun neu ar y cyd â gwybodaeth arall sydd ar gael yn eang, e.e. enw person, ei gyfeiriad, neu fanylion sy’n benodol am y person hwnnw.  

4. Am ba hyd y cedwir data personol? 

Bydd Wavehill yn cadw data personol yn ystod cyfnod y cytundeb, ond bydd yn ei ddileu chwe mis ar ôl i’r cytundeb ddod i ben. 

5. Beth yw’r sail gyfreithiol ar gyfer casglu a phrosesu data a gasglwyd yn yr arolwg?  

Mae gwerthuso'r Rhaglen Datblygu Cig Coch yn caniatáu inni ddeall a yw'r rhaglen yn gweithio'n effeithiol. Defnyddir eich gwybodaeth i lywio argymhellion ar sut y gellir mireinio'r rhaglen. 

Mae'r gwerthusiad yn cael ei gynnal gan Wavehill ar ran Hybu Cig Cymru. Mae eich cyfranogiad unigol yn yr ymchwil yn wirfoddol. 

6. Beth yw pwrpas prosesu eich atebion i’r arolwg?  

Defnyddir y data at ddibenion ymchwil a gwerthuso yn unig. Dadansoddir y data i alluogi Hybu Cig Cymru i ddeall effaith ac effeithiolrwydd y Rhaglen Datblygu Cig Coch. 

Ni fydd y data'n cael ei ddefnyddio at ddibenion masnachol neu farchnata ac ni chaiff ei ddefnyddio i wneud penderfyniadau amdanoch chi fel unigolyn. 

7. Pwy sydd â mynediad at y data personol a gasglwyd drwy’r arolwg? 

Bydd gan Wavehill gopi o’r data personol i’w alluogi i gynnal yr arolwg a bydd yn nodi enw, rôl swydd ac enw sefydliad yn ystod y cyfweliad.  

Bydd Wavehill yn gwneud cofnod ysgrifenedig o’r drafodaeth yn ystod y cyfweliad. Bydd y nodiadau hyn yn cael eu dadansoddi gan ymchwilwyr Wavehill i greu adroddiad ar gyfer Hybu Cig Cymru. Ni fydd yr adroddiad hwn yn galluogi neb i adnabod unrhyw unigolion sy’n cymryd rhan yn yr ymchwil ac ni fydd y nodiadau yn cael eu rhannu â Hybu Cig Cymru nac unrhyw un arall tu allan i Wavehill. Bydd Wavehill yn dileu’r holl ddata personol o fewn chwe mis i’r prosiect ddod i ben. Ni fydd Hybu Cig Cymru yn cael mynediad i ddata personol a gasglwyd yn ystod y cyfweliadau. 

​