Gwerthusiad Canol Tymor o'r Rhaglen Coedwig Genedlaethol 2023-2025: gwaith maes ansoddol staff y safle, gwirfoddolwyr a defnyddwyr

Mae Llywodraeth Cymru wedi comisiynu Wavehill i gynnal gwerthusiad canol tymor o’r rhaglen Coedwig Genedlaethol Cymru. Nod y gwerthusiad yw myfyrio ar gyllid, mecanweithiau cyflawni a chefnogaeth Coedwig Genedlaethol i lywio cyflawni yn y dyfodol, rhoi mewnwelediad i farn a phrofiadau am y rhaglen Coedwig Genedlaethol ac ystyried sut y gellir asesu effaith y rhaglen Coedwig Genedlaethol yn y dyfodol.

Fel rhan o hyn, bydd Wavehill yn cynnal cyfweliadau ar-lein a ffôn a grwpiau ffocws ar-lein gyda:

• staff y safle fel timau Ceidwaid

• gwirfoddolwyr safle (gan gynnwys grwpiau 'cyfeillion o')

• staff o sefydliadau sydd â chytundeb gyda'r safle i drefnu gweithgareddau grŵp.

Llywodraeth Cymru yw'r rheolwr data ar gyfer yr ymchwil. Bydd Wavehill yn dileu unrhyw ddata personol a ddarperir yn y trafodaethau ac yn dienwi unrhyw ddata crai cyn iddo gael ei rannu â Llywodraeth Cymru.

Bydd y wybodaeth a gesglir yn ystod y prosiect yn cael ei chynnwys mewn adroddiad a gyhoeddir ar wefan Llywodraeth Cymru.

Mae eich cyfranogiad yn yr ymchwil hon yn gwbl wirfoddol. Fodd bynnag, mae eich barn a'ch profiadau yn bwysig er mwyn helpu i lywio polisïau Llywodraeth Cymru.

Y cyswllt ar gyfer yr ymchwil hon yn Wavehill yw Andy Parkinson

Cyfeiriad e-bost: andy.parkinson@wavehill.com

Rhif ffôn: 0330 1228658

HYSBYSIAD PREIFATRWYDD

Pa ddata personol sydd gennym a ble rydyn ni'n cael y wybodaeth hon?

Mae data personol yn cael ei ddiffinio o dan Reoliad Diogelu Data Cyffredinol y DU (UK GDPR) fel 'unrhyw wybodaeth sy'n ymwneud â pherson adnabyddadwy y gellir ei defnyddio i’w  adnabod yn uniongyrchol neu'n anuniongyrchol trwy gyfeirio at ddynodwr'.

Mae Wavehill wedi cael eich manylion cyswllt. Fel arfer, dyma eich cyfeiriad e-bost i drefnu cyfweliad ar-lein ond os ydych wedi dewis gwneud cyfweliad ffôn yn lle hynny, yna bydd eich rhif ffôn ac mewn rhai achosion eich cyfeiriad e-bost hefyd (er mwyn trafod amseroedd addas i drefnu'r cyfweliad ffôn). Mae eich manylion wedi'u darparu mewn un o'r ffyrdd canlynol:

• Os ydych chi'n aelod o staff rheoli safle, yna rydych wedi rhoi caniatâd i staff rheoli safle rannu eich manylion gyda Wavehill.

• Os ydych chi'n wirfoddolwr ar y safle, yna rydych chi wedi rhoi caniatâd i staff rheoli safle neu arweinydd eich grŵp gwirfoddolwyr rannu eich manylion gyda Wavehill.

• Os ydych chi'n aelod o staff o sefydliad sy'n trefnu gweithgareddau ar y safle, yna rydych wedi rhoi caniatâd i staff rheoli safle neu'r arweinydd o'ch sefydliad rannu eich manylion gyda Wavehill.

Mae eich cyfranogiad yn wirfoddol. Os nad ydych yn dymuno cymryd rhan a derbyn mwy o e-byst atgoffa yna ymatebwch i’r e-bost ar unrhyw gam o'r ymchwil, ymatebwch i'r e-bost gwahoddiad ac ni fyddwch yn cael eich cysylltu mwyach ar gyfer yr ymchwil hon.

Mae cymryd rhan mewn cyfweliad dim yn gofyn i chi ddarparu unrhyw wybodaeth bersonol ychwanegol heblaw, yn achos grwpiau ffocws ar-lein, eich delwedd os ydych yn cytuno i grŵp ffocws gael ei recordio.

Efallai yr hoffem recordio grwpiau ffocws ar-lein am resymau gweithredol. Byddwn yn gwneud hyn yn glir i chi cyn i'r drafodaeth ddechrau, a byddwch yn cael cyfle i ddweud wrthym os nad ydych yn hapus i'r drafodaeth gael ei recordio. Bydd grŵp ffocws yn cael ei recordio dim ond os nad oes neb yn gwrthwynebu. Os recordir trafodaethau, bydd data personol yn cael ei ddileu yn ystod y broses o drawsgrifio. Bydd recordiadau'n cael eu dileu cyn gynted ag y bydd y broses hon wedi'i chwblhau. Pan nad yw cyfweliadau neu grwpiau ffocws yn cael eu recordio, bydd nodiadau ysgrifenedig yn cael eu cymryd ar y pryd. Ni fydd data personol yn cael ei gynnwys mewn nodiadau ysgrifenedig a baratowyd yn ystod neu ar ôl trafodaeth.

Os ydych chi'n codi ymholiad neu gŵyn ac yn darparu data personol sy'n gofyn am ymateb, bydd yr ymchwilydd yn anfon y cais ymlaen at y swyddog perthnasol yn unig ac wedyn yn ei ddileu o'r data ymchwil.

Beth yw'r sail gyfreithlon dros ddefnyddio eich data?

Y sail gyfreithlon ar gyfer prosesu gwybodaeth yn yr ymarfer casglu data hwn yw ein tasg gyhoeddus; hynny yw, arfer ein hawdurdod swyddogol i ymgymryd â rôl a swyddogaethau craidd Llywodraeth Cymru.

Mae eich cyfranogiad yn gwbl wirfoddol. Mae astudiaethau ymchwil fel hyn yn bwysig i Lywodraeth Cymru gasglu gwybodaeth a thystiolaeth weithredadwy am ei gallu i gyflawni blaenoriaethau'r llywodraeth.

Pa mor ddiogel yw eich data personol?

Mae gwybodaeth bersonol a ddarperir i Wavehill bob amser yn cael ei storio ar weinydd diogel. Dim ond nifer cyfyngedig o ymchwilwyr sy'n gweithio ar y prosiect sydd gallu gyrchu’r data. Dim ond at ddibenion ymchwil y bydd Wavehill yn defnyddio'r data hwn. Mae gan Wavehill ardystiad ‘Cyber Essentials’.

Mae gan Wavehill weithdrefnau i ddelio ag unrhyw amheuaeth o doriad diogelwch data. Os bydd amheuaeth o doriad,  bydd Wavehill  yn rhoi gwybod am hyn i Lywodraeth Cymru a fydd yn eich hysbysu chi ac unrhyw reoleiddiwr perthnasol lle mae'n ofynnol dan y gyfraith i ni wneud hynny

Bydd Wavehill yn defnyddio'r wybodaeth a gesglir i gynhyrchu adroddiad a fydd yn cael ei gyhoeddi ar wefan Llywodraeth Cymru. Ni fydd yr adroddiad hwn yn cynnwys unrhyw wybodaeth y gellid ei defnyddio i adnabod cyfranogwyr unigol.

Pa mor hir ydyn ni'n cadw eich data personol?

Bydd Wavehill yn cadw data personol yn ystod cyfnod y contract, a bydd unrhyw ddata personol yn cael ei ddileu gan Wavehill dri mis ar ôl diwedd y contract. Mae hyn yn cynnwys eich manylion cyswllt.

Hawliau unigol

O dan GDPR y DU, mae gennych yr hawliau canlynol mewn perthynas â'r wybodaeth bersonol rydych chi'n ei darparu fel rhan o'r gwerthusiad hwn, mae gennych yr hawl:

• I gael mynediad at gopi o'ch data eich hun;

• Er mwyn i ni gywiro anghywirdebau yn y data hwnnw;

• (Mewn rhai amgylchiadau)I wrthwynebu neu gyfyngu ar brosesu o’ch data;

• (Mewn rhai amgylchiadau) Cael eich data ei 'ddileu'; a

• Cyflwyno cwyn i Swyddfa'r Comisiynydd Gwybodaeth (ICO) sef ein rheoleiddiwr annibynnol ar gyfer diogelu data.

Manylion cyswllt Swyddfa'r Comisiynydd Gwybodaeth yw: Wycliffe House, Water Lane, Wilmslow, Swydd Gaer, SK9 5AF. Ffôn: 0303 123 1113. Gwefan: www.ico.org.uk

Rhagor o wybodaeth

Os oes gennych unrhyw gwestiynau pellach am sut y bydd y data a ddarperir fel rhan o'r astudiaeth hon yn cael ei ddefnyddio gan Lywodraeth Cymru neu os hoffech arfer eich hawliau gan ddefnyddio Rheoliad Diogelu Data Cyffredinol y DU, cysylltwch â:

Enw: Aimee Krishan

Cyfeiriad e-bost: Aimee.Krishan@gov.wales 

Rhif ffôn: 0300 025 9321

Gellir cysylltu â Swyddog Diogelu Data Llywodraeth Cymru yn:

Llywodraeth Cymru, Parc Cathays, Caerdydd, CF10 3NQ, E-bost: DataProtectionOfficer@gov.cymru.

Int. Ref.  823-24