Archwiliad Rhanddeiliaid Cyfoeth Naturiol Cymru: Hysbysiad Preifatrwydd

Sut rydym yn cadw ac yn prosesu eich gwybodaeth

Mae Wavehill yn cynnal ymchwil ar ran Cyfoeth Naturiol Cymru (CNC). Defnyddir y wybodaeth a gesglir i helpu Cyfoeth Naturiol Cymru i ddeall sut mae'r sefydliad yn cael ei ystyried gan randdeiliaid ac i lywio strategaethau cyfathrebu allanol ac ymgysylltu â rhanddeiliaid yn y dyfodol.

Mae cyfranogiad yn yr ymchwil yn wirfoddol. Gallwch benderfynu peidio â chymryd rhan cyn neu yn ystod yr ymchwil a gallwch ddewis peidio ag ateb cwestiynau penodol os yw'n well gennych.

Er nad yw'r ymchwil yn gofyn am ddata personol sy'n ymwneud ag unigolion, trwy ddata a gasglwyd sy'n ymwneud â rôl swydd gall unigolion fod yn adnabyddadwy. Fodd bynnag, ni fydd eich atebion yn cael eu cyhoeddi mewn ffordd a allai arwain at eich adnabod chi neu'ch sefydliad. Bydd Wavehill yn cynhyrchu adroddiad yn seiliedig ar y data i’w ddefnyddio’n fewnol gan dîm materion allanol CNC

ond ni fydd hyn yn nodi unrhyw unigolion drwy eu rôl swydd nac yn cael ei rannu'n ehangach ar draws CNC. Mae unrhyw ddata personol a gesglir fel rhan o'r ymchwil yn cael ei gadw'n gyfrinachol ac mae'r holl ddata personol yn cael ei ddileu gan Wavehill mewn chwe mis.

Pan ddarperir manylion cyswllt ar gyfer ymchwil pellach, bydd hyn yn cael ei rannu â CNC a fydd yn cadw'r wybodaeth hon am 18 mis. Mae hyn er mwyn galluogi CNC i gysylltu â chyfranogwyr ymchwil yn ddiweddarach ar gyfer cymryd rhan wirfoddol mewn ymchwil ddilynol. Ar ddiwedd y cyfnod o 18 mis, bydd CNC naill ai'n dileu'r data neu'n cysylltu â phynciau data i drafod ymestyn y cyfnod cadw.

Mae'r holl wybodaeth a gesglir yn cael ei defnyddio at ddibenion ymchwil yn unig.

Cedwir y data dienw yn ddiogel a dim ond at ddibenion ymchwil anfasnachol y caiff ei ddefnyddio. Nid ydym yn rhannu nac yn defnyddio'ch gwybodaeth at ddibenion masnachol neu farchnata. Bydd Wavehill yn rhannu'r set ddata derfynol gyda CNC i'w dadansoddi yn y dyfodol, fodd bynnag, bydd unrhyw ddata personol neu wybodaeth adnabyddadwy yn cael ei ddileu.

Os oes gennych unrhyw gwestiynau, cysylltwch â enquiry@wavehill.com.

O dan y ddeddfwriaeth diogelu data, mae gennych yr hawl:

• I gael mynediad at eich data personol a gedwir gan CNC.

• Ei gwneud yn ofynnol i CNC gywiro unrhyw gamgymeriadau yn y data hwnnw.

• (Mewn rhai amgylchiadau.) Gwrthwynebu neu gyfyngu ar brosesu o’ch data

• (Mewn rhai amgylchiadau.) Cael eich data ei 'ddileu'.

Cysylltwch â enquiry@wavehill.com os hoffech wneud unrhyw un o'r pethau hyn.

Os oes gennych unrhyw bryderon ynglŷn â sut mae eich data wedi'i drin, gallwch gyflwyno cwyn i Swyddfa'r Comisiynydd Gwybodaeth, sef y rheoleiddiwr annibynnol ar gyfer diogelu data.

Gallwch gysylltu â Swyddfa'r Comisiynydd Gwybodaeth ar 01625 545 745 neu 0303 123 1113, drwy'r wefan www.ico.org.uk neu ysgrifennu at: Comisiynydd Gwybodaeth, Wycliffe House, Water Lane, Wilmslow, Swydd Gaer, SK9 5AF.

Rhagor o wybodaeth

1.    Beth yw pwrpas yr ymchwil?

Mae Cyfoeth Naturiol Cymru wedi ymgysylltu â Wavehill i gynnal archwiliad canfyddiadau rhanddeiliaid sylfaenol. Dyma'r asesiad ffurfiol cyntaf o sut mae CNC yn cael ei weld gan ei randdeiliaid a bydd yn llywio'r gwaith o ddatblygu dull mwy strategol, cydgysylltiedig o reoli rhanddeiliaid ar draws y sefydliad.

2.    Pa fath o wybodaeth sy'n cael ei chasglu drwy'r ymchwil?

Mae'r ymchwil yn cwmpasu ystod eang o bynciau. Mae'r rhain yn cynnwys:

• Proffil sefydliadau rhanddeiliaid

• Sut mae CNC yn cael ei weld gan randdeiliaid

• Sut y gallai CNC gryfhau ei ddull materion allanol ac ymgysylltu â rhanddeiliaid

3.    Beth yw data personol?

Ystyr data personol yw unrhyw wybodaeth a allai arwain at adnabod person naill ai ar ei ben ei hun neu mewn cyfuniad â gwybodaeth arall sydd ar gael yn eang, e.e. eu henw, eu cyfeiriad, neu fanylion penodol i'r person hwnnw.

Bydd unrhyw ddata personol a gesglir yn ddienw ac ni fydd yn cael ei gyhoeddi mewn ffordd a fydd yn arwain at eich adnabod chi na'ch sefydliad.

4.    Pa mor hir y mae Wavehill yn cadw data personol?

Bydd Wavehill yn cadw data personol am 6 mis. Pan ddarperir manylion cyswllt ar gyfer ymchwil pellach, bydd hyn yn cael ei rannu â CNC a fydd yn cadw'r wybodaeth hon am 18 mis.

5.    Beth yw'r sail gyfreithiol dros gasglu a phrosesu'r data a gesglwyd? 

Tasg gyhoeddus.

6.    Pwy sydd â mynediad at y data personol a gesglir drwy'r ymchwil?

Bydd gan Wavehill a CNC fynediad at y data dienw a gesglir drwy'r ymchwil.

Int. Ref. 912-25