Cyfweliadau â rhanddeiliaid ynghylch anghenion tystiolaeth economaidd a chyllidol Cymru

Mae Llywodraeth Cymru wedi comisiynu Wavehill i gynnal ymchwil i nodi'r bylchau mewn data a dadansoddiad economaidd a chyllidol yng Nghymru, deall pam mae'r bylchau hynny'n bodoli, ac archwilio'r opsiynau ar gyfer mynd i'r afael â nhw.

Fel rhan o'r prosiect, bydd Wavehill yn cynnal cyfweliadau â rhanddeiliaid fel cyllidwyr ymchwil, melinau trafod, sefydliadau ymchwil, academyddion a swyddogion Llywodraeth Cymru drwy Microsoft Teams.

Bydd y canfyddiadau'n cael eu defnyddio i lywio a chefnogi datblygu polisi gyda'r nod o gryfhau tystiolaeth economaidd a chyllidol yng Nghymru.

Bydd y cyfweliadau yn archwilio sut mae system dystiolaeth economaidd a chyllidol Cymru yn gweithredu, pam mae bylchau tystiolaeth yn parhau, pa fylchau sy'n bwysig fwyaf, a beth allai wella'r system.

Er mai Llywodraeth Cymru yw'r rheolwr data ar gyfer yr ymchwil, ni fydd Wavehill yn rhannu unrhyw ddata personol a gasglwyd o'r cyfweliadau, dim ond adroddiad canlyniadau sy'n cynnwys data dienw fydd yn cael ei rannu gyda Llywodraeth Cymru.

Bydd y wybodaeth ddienw hon a gesglir yn ystod yr ymchwil yn cael ei chynnwys mewn adroddiad a gyhoeddir ar wefan Llywodraeth Cymru a gall ymddangos mewn cyhoeddiadau eraill gan Lywodraeth Cymru.

Mae cymryd rhan yn gwbl wirfoddol, ond bydd eich barn a'ch profiadau yn helpu i lunio polisi Llywodraeth Cymru yn y dyfodol.

Y cyswllt ar gyfer yr ymchwil hon yn Wavehill yw Michael Pang. Cyfeiriad e-bost: michael.pang@wavehill.com / Rhif ffôn: 0330 1228658.

HYSBYSIAD PREIFATRWYDD

Pa ddata personol ydym yn ei gadw a ble rydyn ni'n cael y wybodaeth hon?

Mae data personol yn cael ei ddiffinio o dan Reoliad Diogelu Data Cyffredinol y DU (UK GDPR) fel "unrhyw wybodaeth sy'n ymwneud â pherson adnabyddadwy y gellir ei adnabod yn uniongyrchol neu'n anuniongyrchol trwy gyfeirio at ddynodwr".

Mae Llywodraeth Cymru wedi rhoi eich manylion cyswllt (enw a chyfeiriad e-bost gwaith) i Wavehill. Mae Llywodraeth Cymru yn cadw eich manylion cyswllt naill ai oherwydd cyswllt blaenorol â chi, neu oherwydd bod eich manylion cyswllt yn y parth cyhoeddus.

Mae eich cyfranogiad yn wirfoddol ac os nad ydych am gymryd rhan neu gael e-byst atgoffa, atebwch yr e-bost gwahoddiad a bydd eich manylion yn cael eu tynnu. Dim ond at ddibenion y prosiect ymchwil hwn y bydd Wavehill yn defnyddio'ch cyfeiriad e-bost.

Nid yw’r ymchwil hon yn mynnu casglu unrhyw ddata personol ychwanegol gennych

heblaw eich delwedd os ydych chi'n cytuno i’r gyfweliad gael ei recordio. 

Rydym am recordio cyfweliadau am resymau gweithredol. Byddwn yn gwneud hyn yn glir i chi cyn i'r cyfweliad ddechrau, a byddwch yn cael cyfle i nodi os nad ydych yn dymuno i’r drafodaeth gael ei recordio. Os bydd cyfweliadau'n cael eu recordio, bydd data personol yn cael ei dynnu yn ystod y broses o drawsgrifio. Bydd y recordiadau’n cael eu dileu cyn gynted ag y bydd y broses hon wedi’i chwblhau. Os na chaiff trafodaethau eu cofnodi, ni fydd data personol yn cael ei gynnwys mewn nodiadau ysgrifenedig a baratowyd yn ystod neu ar ôl y cyfweliadau.

Os ydych chi'n codi ymholiad neu gŵyn ac yn darparu data personol sy'n gofyn am ymateb, bydd yr ymchwilydd yn anfon y cais ymlaen at y swyddog perthnasol yn unig ac wedi hynny yn ei ddileu o'r data ymchwil.

Beth yw'r sail gyfreithlon dros ddefnyddio eich data?

Bydd y wybodaeth yn cael ei phrosesu ar ran Llywodraeth Cymru gan Wavehill fel rhan o'n tasg gyhoeddus  a'r awdurdod swyddogol sydd wedi'i freinio ynom i ymgymryd â rôl a swyddogaethau craidd Llywodraeth Cymru.

Pa mor ddiogel yw eich data personol?

Mae gwybodaeth bersonol a ddarperir i Wavehill yn cael ei storio ar weinyddion diogel o fewn y DU. Dim ond nifer cyfyngedig o ymchwilwyr sy'n gweithio ar y prosiect hwn gall gael mynediad at y data. Mae gan Wavehill ardystiad Cyber Essentials.

Mae Wavehill wedi rhoi gweithdrefnau ar waith i ddelio ag unrhyw doriadau diogelwch data a amheuir. Os amheuir bod toriad yn digwydd, bydd Wavehill yn rhoi gwybod am hyn i Lywodraeth Cymru a fydd yn rhoi gwybod i chi ac unrhyw reoleiddiwr perthnasol lle bo'n ofynnol yn gyfreithiol i wneud hynny.

Pa mor hir ydyn ni'n cadw eich data personol?

Bydd Wavehill yn cadw data personol yn ystod cyfnod y contract, a bydd unrhyw ddata personol nad yw eisoes wedi’i dynnu yn ystod y broses drawsgrifio yn cael ei ddileu gan Wavehill o fewn tri mis i ddiwedd y contract. Mae hyn yn cynnwys eich manylion cyswllt.

Hawliau unigol

O dan GDPR y DU, mae gennych yr hawliau canlynol mewn perthynas â'r wybodaeth bersonol rydych chi'n ei darparu fel rhan o'r prosiect hwn, yn benodol mae gennych yr hawl:

• i gael gwybod am y data personol sydd gan Lywodraeth Cymru amdanoch chi ac i gael mynediad ato

• i ofyn i ni gywiro anghywirdebau yn y data hwnnw

• i wrthwynebu neu gyfyngu ar brosesu (mewn rhai amgylchiadau)

• i fynnu (mewn rhai amgylchiadau) fod eich data yn cael ei ddileu.

• i (mewn amgylchiadau penodol) gludadwyedd data

• cyflwyno cwyn i Swyddfa'r Comisiynydd Gwybodaeth (ICO) sef ein rheoleiddiwr annibynnol ar gyfer diogelu data.

Manylion cyswllt Swyddfa'r Comisiynydd Gwybodaeth yw:

Cyswllt Cwsmeriaid

Tŷ Wycliffe

Lôn y Dŵr

Wilmslow

Swydd Gaer

SK9 5AF

Ffôn: 0303 123 1113

Gwefan: www.ico.org.uk

Os oes gennych unrhyw ymholiadau ynglŷn â'r hysbysiad preifatrwydd hwn, cysylltwch â: michael.pang@wavehill.com

Rhagor o Wybodaeth

Os oes gennych unrhyw gwestiynau pellach ynglŷn â sut y bydd y data a ddarperir fel rhan o'r astudiaeth hon yn cael ei ddefnyddio gan Lywodraeth Cymru neu os hoffech arfer eich hawliau o dan Reoliad Diogelu Data Cyffredinol y DU, cysylltwch â:

Enw: Sam Stroud

Cyfeiriad e-bost: sam.stroud@gov.wales 

I gael rhagor o fanylion am y wybodaeth sydd gan Lywodraeth Cymru a'i defnydd, neu os hoffech arfer eich hawliau o dan y ddeddfwriaeth diogelu data, gweler y manylion cyswllt isod:

Swyddog Diogelu Data

Llywodraeth Cymru

Parc Cathays

CAERDYDD

CF10 3NQ

Ebost: dataprotectionofficer@gov.wales

Int. Ref. 931-26