Mapio Effaith Economaidd a Chymdeithasol: Asesu Gwerth Galeri Caernarfon

Mae yna awydd gynyddol ymhlith sefydliadau ledled y DU i ddeall a dangos yn well yr effaith y maent yn ei gynhyrchu. Gall yr effaith hon ddod yn wahanol ffyrdd, megis eu cyfraniad economaidd, eu heffaith gymdeithasol a'u gwerth i’r ardal leol. O fewn pob un o'r themâu eang hyn, mae sawl llwybr y gall sefydliadau greu effaith. Mae dull Wavehill yn canolbwyntio ar gwmpasu'r gwahanol lwybrau sydd yn gallu arwain at effaith economaidd a chymdeithasol, ac yna datblygu dull sy'n cynhyrchu tystiolaeth sy'n gredadwy ac yn dryloyw yn ei ffynonellau data, rhagdybiaethau a chyfyngiadau. 

Yn ddiweddar, comisiynodd Galeri Caernarfon Wavehill i gynnal asesiad effaith o'u gweithgareddau dros flwyddyn ariannol 2024/25. Ers ei sefydlu yn 1992, mae Galeri wedi gwneud cyfraniad sylweddol at fywiogrwydd canol tref Caernarfon, gan adnewyddu a rheoli dros 60 uned masnachol a phreswyl gan gynnwys ailddatblygiad diweddar Cei Llechi. O ran ei chyfraniad cymdeithasol, mae Canolfan Menter Greadigol Galeri yn gweithredu fel canolfan gymunedol a diwylliannol i'r dref.

Dechreuon ni ein hasesiad effaith trwy fapio gwahanol lwybrau effaith Galeri, gan edrych ar y ffyrdd uniongyrchol ac anuniongyrchol y maent yn cefnogi gweithgarwch economaidd yn eu hardal leol.

Mae meintioli a mapio'r effeithiau hyn wedi cynnwys dadansoddiad o ddata staffio, gwariant a gwerthiant tocynnau Galeri ynghyd â setiau data Llywodraeth Cymru i gyfrifo'r effaith ehangach ar gadwyni cyflenwi lleol. Mae hyn wedi ein galluogi i fapio'n ddaearyddol faint o effaith Galeri sy'n cael ei gadw yng Ngwynedd ac Ynys Môn a faint sy'n lledaenu'n ehangach i weddill Cymru a'r DU.

Roedd ein hastudiaeth hefyd yn ceisio meintioli rhai o'r effeithiau cymdeithasol a gynhyrchir gan Galeri Caernarfon. Roedd ein hastudiaeth yn canolbwyntio ar eu digwyddiadau cymunedol cyson mawr: Sbarc, Cain a Chôr Lleisiau Llawen. Gan ddefnyddio cyfuniad o ddata monitro, tystiolaeth gan fynychwyr y digwyddiadau a ‘proxies’ ariannol, rydym wedi amcangyfrif gwerth ariannol eu heffaith gymdeithasol.

Mae'r ffeithlun isod yn crynhoi'r canfyddiadau allweddol o'n hymchwil.

Yn Wavehill, rydym yn parhau i ddatblygu portffolio helaeth o asesiadau effaith economaidd a chymdeithasol, gan alluogi sefydliadau i ddeall yn well sut maent yn cynhyrchu effaith gan ddefnyddio dull cyson a thryloyw, sy’n caniatau cymariaethau a meincnodi ar gyfer y dyfodol.

Os hoffech ragor o wybodaeth am waith ymchwil Wavehill, gan gynnwys ein hasesiadau effaith economaidd-gymdeithasol, cysylltwch â Rhys Maher neu Michael Pang.

906-25