Gwerthusiad o'r Cynllun Buddsoddiad Strategol Arolwg ar-lein ac Cyfweliadau â Rhanddeiliaid

Comisiynodd Llywodraeth Cymru Wavehill Ltd. i gynnal gwerthusiad o’i chymorth i fusnesau’r sector bwyd a diod drwy Gynllun Arloesi Strategol Bwyd a Diod Cymru. Mae’r gwerthusiad hwn yn cwmpasu’r rhaglenni canlynol:

• Prosiect Helix

• Cywain

• Sgiliau Bwyd a Diod Cymru

• Rhaglen Twf Bwyd a Diod Cymru

• Clwstwr Bwyd a Diod

  
  

Pwrpas y gwerthusiad hwn yw asesu sut y mae’r Cynllun Arloesi Strategol wedi cael ei reoli a’i gyflwyno, mesur ei berfformiad yn erbyn yr amcanion ac allbynnau a nodwyd, ac archwilio ei ganlyniadau ac effaith ehangach. Fel rhan o’r gwerthusiad, bydd Wavehill yn casglu adborth drwy arolwg ar-lein ynghyd â chyfweliadau ffôn dilynol a thrafodaethau â rhanddeiliaid. Bydd cyfweliadau ac arolygon ar-lein hefyd yn cael eu cynnal gyda staff y contractwyr sy’n cyflwyno’r rhaglenni a ariennir gan y cynllun.

Nod yr arolwg yw casglu tystiolaeth gan fuddiolwyr am effaith y Cynllun Arloesi Strategol. Mae hefyd yn ceisio casglu gwybodaeth am effeithlonrwydd y rhaglenni, y cyflawniad yn erbyn ei nodau, a sut y gallai’r rhaglenni esblygu yn y dyfodol.

Llywodraeth Cymru yw’r rheolwr data ar gyfer yr ymchwil ac fe fydd ein contractwyr yn dileu unrhyw ddata personol cyn ei rannu gyda Llywodraeth Cymru.

Bydd yr wybodaeth a gesglir yn ystod y prosiect yn cael ei chynnwys mewn adroddiad a gyhoeddir ar wefan Llywodraeth Cymru ac, o bosibl, mewn cyhoeddiadau eraill gan Lywodraeth Cymru a’n contractwyr.

Mae cymryd rhan yn gwbl wirfoddol. Fodd bynnag, mae eich barn a’ch profiadau yn bwysig i lywio polisïau Llywodraeth Cymru.

Y cyswllt cyflwyno ar gyfer yr ymchwil hon yn Wavehill Ltd. yw Endaf Griffiths

Cyfeiriad e-bost: endaf.griffiths@wavehill.com

Rhif ffôn: 0330 1228658

PRIVACY NOTICE

Pa ddata personol sydd gennym ac o ble y cawn y wybodaeth hon?

Diffinnir data personol o dan Reoliad Cyffredinol ar Ddiogelu Data y DU (UK GDPR) fel “unrhyw wybodaeth sy’n ymwneud ag unigolyn y gellir ei adnabod yn uniongyrchol neu’n anuniongyrchol drwy gyfeirio at ddynodwr”.

Mae Llywodraeth Cymru wedi darparu eich manylion cyswllt i’n partner dosbarthu, Wavehill, fel rhan o’n gwerthusiad o’r Cynllun Arloesi Strategol. Cyflwynwyd eich manylion yn wreiddiol yn ystod y broses ymgeisio am gymorth a dderbyniwyd o dan y cynllun, neu drwy adroddiadau cynnydd a gyflwynwyd gan sefydliadau buddiolwyr. Bryd hynny, cytunwyd y gallai eich manylion gael eu cyrchu gan y rhai a gymeradwyir i gynnal ymchwil, dadansoddi neu fonitro cyfleoedd cyfartal yn ymwneud â’r Cynllun Arloesi Strategol.

Mae’r cyfan yn wirfoddol ac os nad ydych am gymryd rhan neu dderbyn diweddariadau, atebwch y gohebiaeth hon a bydd eich manylion yn cael eu tynnu. Dim ond at ddiben yr ymchwil yma y bydd y contractwr yn defnyddio eich cyfeiriad e-bost i gysylltu â chi.

Nid oes rhaid i chi ddarparu unrhyw ddata personol ychwanegol fel rhan o’r arolwg. Nid yw cwblhau’r arolwg yn cofnodi eich gwybodaeth bersonol ac mae’r arolwg yn ddienw. Os byddwch yn gofyn ymholiad neu’n cyflwyno cwyn gan ddarparu data personol ac yn gofyn am ymateb, bydd yr wybodaeth hon yn cael ei dileu o’r data ymchwil.

Gofynnwn am eich manylion cyswllt fel gall Llywodraeth Cymru (neu drydydd parti wedi’i gontractio ar ei rhan) gysylltu â chi mewn perthynas â’ch adborth ar yr arolwg neu gyfranogiad mewn ymchwil yn y dyfodol. Os byddwch yn darparu eich manylion cyswllt, nid oes rheidrwydd arnoch i gymryd rhan mewn unrhyw ymchwil pellach, ond efallai y byddwch yn cael eich holi a fyddech yn dymuno gwneud hynny.

Beth yw’r sail gyfreithiol ar gyfer defnyddio eich data?

Sail gyfreithiol prosesu gwybodaeth yn yr ymarfer casglu data hwn yw ein tasg gyhoeddus; hynny yw, arfer ein hawdurdod swyddogol i ymgymryd â rôl a swyddogaethau craidd Llywodraeth Cymru.

Mae cymryd rhan yn gwbl wirfoddol. Mae astudiaethau ymchwil fel hon yn bwysig i Lywodraeth Cymru gasglu gwybodaeth a thystiolaeth weithredol am ei gallu i gyflawni blaenoriaethau’r llywodraeth. Er enghraifft, gellid defnyddio’r wybodaeth a gesglir i:

Benderfynu a oes angen gwneud newidiadau i’r Cynllun Arloesi Strategol.

Benderfynu pa Gynllun Arloesi Strategol ddylai barhau yn y dyfodol.

Deall y ffyrdd gorau i Lywodraeth Cymru helpu rhaglenni bwyd a diod yn y dyfodol.

Pa mor ddiogel yw unrhyw ddata personol a gyflwynir?

Mae gwybodaeth bersonol a ddarperir i’n contractwyr gan Lywodraeth Cymru bob amser yn cael ei storio mewn ffolder ‘storfa data ddiogel’. Dim ond nifer gyfyngedig o ymchwilwyr sy’n gweithio ar y prosiect hwn sydd â mynediad at y data.

Mae ein contractwr wedi rhoi trefniadau ar waith i ymdrin ag unrhyw dor-diogelwch data y darperir amheuaeth o’i fod wedi digwydd. Pe bai tor-diogelwch yn digwydd, byddai Llywodraeth Cymru yn hysbysu chi ac unrhyw reoleiddiwr perthnasol lle bo’n ofynnol yn gyfreithiol gwneud hynny.

Defnyddir y data gan ein contractwr i gynhyrchu adroddiad i Lywodraeth Cymru. Ni fydd yr adroddiad hwn yn cynnwys unrhyw wybodaeth y gellid ei defnyddio i adnabod cyfranogwyr unigol.

Am ba hyd y cedwir eich data personol?

Bydd unrhyw ddata personol nad yw eisoes wedi’i dynnu yn ystod cam dadansoddi data yn cael ei ddileu dri mis ar ôl diwedd y contract.

Ni fydd y set ddata yn cynnwys gwybodaeth y gellid eich adnabod ohoni. Bydd eich enw, cyfeiriad a manylion cyswllt eraill yn cael eu dileu o’r set ddata hon.

Hawliau Unigol

O dan Reoliad Cyffredinol ar Ddiogelu Data y DU, mae gennych yr hawliau canlynol mewn perthynas â’r wybodaeth bersonol rydych yn ei darparu fel rhan o’r gwerthusiad hwn:

Cael copi o’ch data eich hun;

Gofyn i ni gywiro anghywirdebau yn y data hwnnw;

Gwrthwynebu neu gyfyngu ar brosesu (mewn amgylchiadau penodol).

I’ch data gael ei ‘ddileu’ (mewn amgylchiadau penodol); a

Chyflwyno cwyn i Swyddfa’r Comisiynydd Gwybodaeth (ICO) sy’n reoleiddiwr annibynnol ar gyfer diogelu data.

Manylion cyswllt Swyddfa’r Comisiynydd Gwybodaeth yw Wycliffe House, Water Lane, Wilmslow, Cheshire, SK9 5AF. Ffôn: 01625 545 745 neu 0303 123 1113. Gwefan: www.ico.gov.uk

Gwybodaeth Bellach

Os oes gennych unrhyw gwestiynau pellach am sut y bydd y data a ddarperir fel rhan o’r astudiaeth hon yn cael ei ddefnyddio gan Lywodraeth Cymru neu os ydych am arfer eich hawliau o dan Reoliad Cyffredinol ar Ddiogelu Data y DU, cysylltwch â:

Buddug Turner (Rheolwr Polisi Bwyd Uwch, Llywodraeth Cymru)

E-bost: buddug.turner@gov.wales

Ffôn: 0300 025 3369

Gellir cysylltu â Swyddog Diogelu Data Llywodraeth Cymru yn:

Llywodraeth Cymru, Parc Cathays, Caerdydd, CF10 3NQ

E-bost: DataProtectionOfficer@gov.wales.

Int. Ref. 882-25